سنڌ جي اھم تفريح ماڳ سنڌ جو ڪوھ مري سڏيو ويندڙ گورک ھل
Wed Nov 15 2023جوھي ( رپورٽر ) سنڌ جي اھم تفريح ماڳ سنڌ جو ڪوھ مري سڏيو ويندڙ گورک ھل اسٽيشن جي ترقي ۽ روڊ رستن جي تعمير لاء جاري ٿيل اربين روپيا ڪرپشن جي نذر ٿيڻ خلاف سميت ڪاڇي جا تباھ ٿيل روڊ رستا تعمير نه ٿيڻ سميت ڪاڇي ۽ جوھي شھر واسين کي پيئڻ جي پاڻي جھڙين سھولتن سميت ٻيون بنيادي سھولتون نه ملڻ خلاف عوامي پورھيت تحريڪ پاران ڏنل لانگ مارچ جي سڏ تي ڪاڇي جي مرڪزي شھر واھي پانڌي ۾ مختلف سياسي سماجي ادبي .مذھبي . سول سوسائيٽي سميت ھر مڪتب سان وابسته اڳواڻن مزدورن .پورھيتن ۽ شھرين پاران ڪاڇي جي ڳوٺ دودو برھماڻي کان واھي پانڌي شھر تائين لانگ مارچ ڪري مک چوراھي تي ڌرڻو ھنيو ويو .
ڌرڻي کي خطاب ڪندي عوامي پورھيت تحريڪ جي مرڪزي صدر قانوندان جي اين کوسو چيو ته اڄ جي جديد ۽ ٽيڪنالوجي دور ۾ به جوھي ۽ ڪاڇي جي عوام پيئڻ جي صاف پاڻي . صحت . تعليم ۽ روڊ رستن جھڙين سھولتن کان محروم بڻيل آھي . انھي جو ڪارڻ نااھل چونڊيل نمائيندا آھن جيڪي عوام کي بنيادي سھولتون فراھم ڪرڻ بجاء ڪرپشن ڪري پنھنجا ڀڀ ڀريا آھن .سنڌ جي سورمي ماروي پليجو چيو ته ڪاڇي جا معصوم ٻارڙا تعليم جھڙي قيمتي زيور کان محروم بڻيل آھي ڪاڇي جي سوين اسڪولن کي ٿالا لڳل آھن اسڪولن ۾ مقرر گوسڙو استاد گھر ويٺي پگھارون کڻي رھيا آھن . ايس يو پي اڳواڻ غلام قادر لغاري چيو ته پاڪستان پپلز پارٽي 15 سالن کان وٺي گورک ھل اسٽيشن تي ڪا به ترقي نه ڪرائي سگھي آھي .ڌرڻي کي خطاب ڪندي لياقت جتوئي گروپ جي اڳواڻ سردار امداد خان لغاري چيو ته گورک ھل جي ترقي جي نالي تي 23 ارب روپين جي ڪرپشن ڪئي وئي آھي . گورک ھل اٿارٽي جي چيئرمين رفيق جمالي تفريح ماڳ جي ترقي لاء جاري ٿيل 23 ارب روپين جي ڪرپشن ڪري رڪارڊ قائم ڪري ڇڏيو آھي جنھن مٿان ڪرپشن جو ڪيس داخل ڪري کيس جيل موڪليو وڃي . ڌرڻي کي خطاب ڪندي ايس ٽي پي اڳواڻ ڪامريڊ يونس سولنگي . غلام رسول لغاري . ڪامريڊ وقار مستوئي سميت ٻين گڏيل خطاب ۾ چيو ته واھي پانڌي سميت ڪاڇي واسين کي پيئڻ جي پاڻي .روڊ رستن سميت صحت جي سھولتن کان محروم رکيو ويو آھي .اسڪولن کي تالا آھن جيئن سنڌي قوم جو ايندڙ نسل اڻ پڙھيل ھجي . ڌرڻي کي خطاب ڪندي سرائي سانوڻ خان ٻٻر . وفا برھماڻي سميت ٻين چيو ته ڪاڇي ۾ گذريل تيل تيل ڪمپنين مان ملندڙ اربين روپين جي بجيٽ ڪاڇي ۾ خرچ ڪري اسپتال . اسڪول . لائيبريون جوڙيون وڃن ۽ ڪاڇي جا بنيادي مسئلا فوري طور حل ڪيShow more